影片
更多
2007-06-03
13 浏览
之前睇呢o度o既食評,好多過差,於是book o左2/6/2007打完波o黎食.5大1細,身高唔夠80厘米o既小朋友免費,80-140厘米o既就半價.我o地7點o度到,坐o左張6人枱,座位好闊落好舒服,小朋友亦有舒適豪華o既BB椅.朋友們問侍應問題,最初我冇為意侍應o既態度,之後朋友們繼續有好多問題問,佢黑晒口面,心諗佢好忙service其他枱之餘,我o地又咁多問題問,佢黑晒面都無可口非.到我回家途中,朋友M同我講電話時我至知佢o係一開始答第一條問題時已經唔多願意兼答兼用機械人口吻答佢o地,噢!不過我見佢都有努力嘗試有禮貌咁對返我o地o既,而且收碟o既速度都好快.由於呢o度有限制每張order紙o既種類數目同數量,(5個大人,每次8款,而每款最多只可order兩客),咁即係我o地每款要入2,3次紙至可以令個個都有得食同一樣o野?好唔環保啫.而且佢o地上菜速度慢,份量又少,我o地就成日入紙同等等等…..佢o地可能係希望公平地盡量令每位客人等待食物o既時間差唔多,唔好一枱有好多,一枱冇啦.經朋友T向經理反映,一段時間後上菜又快o左喎.講返食,我o地都叫o左好多o野,揀幾款講吓啦.前菜:鹽辛
我o地7點o度到,坐o左張6人枱,座位好闊落好舒服,小朋友亦有舒適豪華o既BB椅.
朋友們問侍應問題,最初我冇為意侍應o既態度,之後朋友們繼續有好多問題問,佢黑晒口面,心諗佢好忙service其他枱之餘,我o地又咁多問題問,佢黑晒面都無可口非.到我回家途中,朋友M同我講電話時我至知佢o係一開始答第一條問題時已經唔多願意兼答兼用機械人口吻答佢o地,噢!不過我見佢都有努力嘗試有禮貌咁對返我o地o既,而且收碟o既速度都好快.
由於呢o度有限制每張order紙o既種類數目同數量,(5個大人,每次8款,而每款最多只可order兩客),咁即係我o地每款要入2,3次紙至可以令個個都有得食同一樣o野?好唔環保啫.而且佢o地上菜速度慢,份量又少,我o地就成日入紙同等等等…..佢o地可能係希望公平地盡量令每位客人等待食物o既時間差唔多,唔好一枱有好多,一枱冇啦.
經朋友T向經理反映,一段時間後上菜又快o左喎.
講返食,我o地都叫o左好多o野,揀幾款講吓啦.
前菜:
鹽辛魷魚,魷魚上有好多橙色o既汁.入口o趙,o趙好耐,汁都冇晒,魷魚都係韌到咬唔開,最後個個都要’獲利回吐’,汁又勁咸.
刺身類:
吞拿魚好早賣晒,我唔係好食吞拿魚刺身就冇所謂,不過朋友冇得食.
三文魚肥美,朋友K推介鱆紅魚好味.
嚮螺片我覺得唔得,唔好味又韌.
炸物:
炸川蝦,好細隻,可以連殼食,即管試一隻,個個都話唔得,冇味o既.
天婦羅唔錯o既,可能己放涼上枱,唔太熱我覺得o岩o岩好,南瓜又夠甜.
燒物:
燒秋刀魚,OK咸淡適中.
彩食料理(照我理解應該係世界各地o既菜式):
煮田螺(意大利風),兩客共四粒已除殼o既田螺肉,浸o係大大碗忌廉汁內,旁邊有幾片梳打餅,咁得意o既? 淡淡同幾稀o既忌廉汁,用梳打餅點o黎食,o岩小朋友食多啲.我覺得一般啦.
意大利黑醋煙鴨胸,好咸,不過鴨胸嫩滑程度都適中.
彩食料理(自己烹煮):
成吉思汗羊腩肉燒,好有羊肉味又唔蘇.
蒜片鹽味燒雞肉,蔥鹽牛舌汁燒(我覺得係黑椒牛舌)都OK o既.
蔥鹽豬頸肉汁燒,麻麻地啦.
健美料理:
免治三文魚,上枱時有隻生雞蛋o係面,撈勻o黎食,冇味,又冇咬口,都係要點wasabi食.
蘋果西芹沙律,蘋果夠爽甜,好開胃.
牛油果冷豆腐,豆腐唔凍,其實都冇咩特o既.
而尋晚就免稅送兩隻即燒帆立背畀每位顧客,都OK,算幾大隻又新鮮.
其他冇提到o既都係一般啦.
呢間食肆幾大間,有order枱同bar枱外,重有房間,半開放式間格同tatami,都幾多選擇.尋晚除o左bar枱尚餘少量座位外,完全座無虛席.
而由頭到尾,經理同其他侍應o既服務態度都OK o既.
张贴