食之劇場餐廳 (已結業)

一個星期前預訂，要揀定Menu，揀咗Kumo Set $900。一路喺WhatsApp嘅對話都感覺良好。今日假期，西貢有啲塞車，去到酒店門口啲車又亂咁嚟，最後都入到去酒店下面嘅停車場，感覺就舒服好多，免兩個鐘。黃昏時段，去餐廳之前經過海邊一條小路，感覺exotic，好有渡假feel，進入餐廳，安排咗一張好有私人空間包廂嘅四人枱。先飲唯一Sapporo嘅支裝啤酒，另外再嗌左支sake，服務都唔錯，好attentive，雖然已經揀定咗Kumo set，不過都唔知會食到啲乜嘢⋯⋯ 直到上菜嘅時候⋯⋯ 成晚一路個流程都唔錯，上菜嘅時間都好穩陣，每一道菜嘅賣相都有睇頭，不過味覺方面就冇乜太大驚喜，口感亦平淡，缺少咗一啲嘅震撼。之前幾日服務員問有冇食物敏感，我話我朋友唔可以食shellfish，但係佢都serve咗牡丹蝦刺身俾佢，每人有一條好細嘅grilled fish，對於我嘅外國朋友來講就唔太識欣賞，我咁識得食魚都覺得有啲難度，肉少多骨⋯⋯ 其實食完甜品都係覺得有少少唔係太滿足，可能我哋揀咗最平嗰個Menu Set⋯⋯ 整體來講個感覺係唔錯嘅，只係欠缺左一份味覺上的驚喜⋯⋯ 去到先知like左