食物款式唔好多，而食物質素亦唔見得好出色，我係用半價去試，所以心理上都叫做平咗，以下我地叫既菜單：
酸辣鳯爪(老公必食既)--- 味道唔夠，面頭果D冇味，唯有自己撈底下果D算叫扯平
小食炸拼盤---- 開頭問店員係乜佢答出....只係話全部都係炸，黎到係有三款炸物，春卷(味道奇怪，饀都奇怪，又有咖喱但又唔知係乜味既春卷，炸蝦餅味道普通，炸雞亦又乾身又冇味，呢個拼盤係失敗之作
飛天豬頸肉通菜---味道OK，冇驚喜
泰式乾炒辣海鮮河---味道幾好，但配料勁少，我仲以為係淨炒河
仲叫咗個椰青，好大個，幾好味，可惜我飲唔晒，叫個店員打包，結果俾人催埋咗單先會有人幫我包起，點知俾緊錢期間已經俾人毁滅咗
收銀都算識做，退番半價俾我，不過如果用正價去試，我唔會去，真係唔抵食，味道又一般同埋價錢略貴。
