紅火鮮料火鍋專門店

营业中

休息中

朋友介紹旺角兆萬中心有一間新開嘅火鍋店，叫做紅火。令我即刻諗起我的熱情就像一把火，就去試吓有咩好食。估唔到佢啲湯底都幾有特色，有崩沙牛腩或者古方鮮雞都係重點推介，因為朋友鍾意食雞所以就選擇左鮮雞，呢一個係要食完啲雞再加湯打邊爐。嘢飲都有好多選擇，亦有醬汁嗰啲可以自由選擇。雞煲上面有好多芫荽同埋小小辣味係非常吸引，啲雞嘅肉質都幾豐富。食完之後就到打邊爐啦，金菇、粟米同埋蕃茄可以做湯底，啲粟米估唔到都幾甜。仲有生根質感非常吸引。仲有牛肉同羊肉，質素都唔錯，個味道幾香，而且脂肪分布都算OK。墨魚丸，魚皮餃鹹香十足，仲有鮮蝦同埋牛坑腩等等份量有返咁上下，芝心丸裏面嘅芝士份量有好多，蜜丸油炸鬼就非常爽口啦。仲有牛柳粒個味道比較清唔，可以點多啲醬汁增強翻個味道。牛丸嗰啲就鹹味比較重。如果以打百幾蚊邊爐來講都算係值回票價嘅。