Morokok (家樂坊) (已結業)

平時喜歡周圍覓食，最近係網上睇到呢間餐廳，環境同食物賣相相當吸引，於是放假就黎一試。
下午五點幾黎到，冇乜客只有三四枱。我就點左小食拼盤，椰奶雞湯金邊粉同埋賣相好吸引既蝶豆花糯米飯。
小食拼盤味道不俗，算正常。
椰奶雞湯金邊粉，完全冇椰香味，湯底差，雞肉又乾又嚡口。
蝶豆花糯米飯得個樣，味道一般，芒果唔酸唔甜，冇味道。
員工服務一般，都只顧聊天同發夢，當時只有三四枱客，出蝶豆花糯米飯時好似遊雲咁唔知邊張枱，拎住佢繞場一週先知原來係我地既。而有幾個員工到送餐到露天那邊時亦不忘吸一啖電子煙先返黎繼續做野。