影片
更多
2017-02-24
780 浏览
湘菜黎自湖南，偏重辣味為主。香港亦有以湘菜為主既食肆，今次走去西環試試。依間食肆雖然近香港大學站，但都要行一段路，包括要經過一條比較黑暗嘅小巷先見到。本身我唔係好食得辣，但店內可以揀免辣、小辣、中辣和大辣，我覺得比較適合香港人，今次我哋全部都係揀少辣嘅。今次我哋點選左孜然寸骨、串串蝦、蜆蒸蛋、清炒油麥菜和醬香鴨。孜然寸骨：雖然細細碟，但裡面有六件寸骨，而寸骨上面鋪上左好多紅椒碎和蔥碎。食頭一兩件寸骨時，咬落去啖啖肉，但係食唔出任何味道，所以要加少少辣椒黎提升味道。食到中間的寸骨時，寸骨好入味，可能寸骨已索曬孜鹽同辣椒味，惹味非常。串串蝦：串串蝦約六隻左右，蝦面鋪上好多紅辣椒碎和蔥碎。蝦殼非常脆口，明顯地出過油，食第一隻時唔小心咬碎埋蝦殼吞埋。蝦殼少少辣，咬埋蝦肉，新鮮爽口彈牙。蜆蒸蛋：雖然蒸蛋嘅樣貌並非討好，蛋有啲皺皮。食左第一啖蛋後，喜出望外，蛋非常鮮味，因為蛋吸收咗新鮮蜆肉既蜆肉汁。最重要係蜆肉新鮮鮮甜，全碟蜆蒸蛋係冇沙既。清炒油麥菜：油麥菜嫩口、菜新鮮，配上蒜蓉同少油加廚師炒得一手好鑊氣，感覺健康左。醬香鴨：雖然同menu既相有幾大出入，但上菜時熱辣辣，食落去嘅鴨肉又醃得唔錯，醬
依間食肆雖然近香港大學站，但都要行一段路，包括要經過一條比較黑暗嘅小巷先見到。本身我唔係好食得辣，但店內可以揀免辣、小辣、中辣和大辣，我覺得比較適合香港人，今次我哋全部都係揀少辣嘅。
今次我哋點選左孜然寸骨、串串蝦、蜆蒸蛋、清炒油麥菜和醬香鴨。
孜然寸骨：雖然細細碟，但裡面有六件寸骨，而寸骨上面鋪上左好多紅椒碎和蔥碎。食頭一兩件寸骨時，咬落去啖啖肉，但係食唔出任何味道，所以要加少少辣椒黎提升味道。食到中間的寸骨時，寸骨好入味，可能寸骨已索曬孜鹽同辣椒味，惹味非常。
串串蝦：串串蝦約六隻左右，蝦面鋪上好多紅辣椒碎和蔥碎。蝦殼非常脆口，明顯地出過油，食第一隻時唔小心咬碎埋蝦殼吞埋。蝦殼少少辣，咬埋蝦肉，新鮮爽口彈牙。
蜆蒸蛋：雖然蒸蛋嘅樣貌並非討好，蛋有啲皺皮。食左第一啖蛋後，喜出望外，蛋非常鮮味，因為蛋吸收咗新鮮蜆肉既蜆肉汁。最重要係蜆肉新鮮鮮甜，全碟蜆蒸蛋係冇沙既。
清炒油麥菜：油麥菜嫩口、菜新鮮，配上蒜蓉同少油加廚師炒得一手好鑊氣，感覺健康左。
醬香鴨：雖然同menu既相有幾大出入，但上菜時熱辣辣，食落去嘅鴨肉又醃得唔錯，醬料味道似麵豉醬咁，鴨肉都算多。
张贴
