咖啡綠茶 (已結業)

一個人係西洋菜街唔知食乜好，想搵間靜靜地可以坐吓hea 吓又唔想行太遠⋯ 苦惱中⋯咁橋抬頭一望就見到「咖啡綠茶」，記得睇過d comment 唔錯，一於試吓！環境幾好，有幾張一人自閉位，岩晒！不過呢，一多人就好～嘈～！呢個時候耳機大派用場！點咗北海道牛乳拉麵同紅茶朱古力，拉麵咸少少，但ok嘅，正正常常。想推介個紅茶熱朱古力！第一啖已經深深愛上！甘香紅茶，朱古力不但冇被搶去風頭，反而紅茶吊出朱古力嘅香濃醇滑！甜度適中，含係口真係唔捨得吞！講起都想即刻再去飲呀！