麻辣風雲 (已結業)

今日放工老公帶左我去旺角既麻辣風雲都食四川辣野，點知食左一次之後，就喜歡到不得了！☺️我地係食主菜之前就叫左啲小食食下！係侍應👩‍🦰推介下我地食左個黑松露煙燻溏心蛋🥚！果然無推介錯，蛋賣相靚之餘，蛋係流心架，加埋啲香濃既黑松露令成隻雞蛋昇華左，口感變得更有層次同豐富！👍麻辣魚皮🐡唔係度度都有，好難得先食到，我地當然唔錯過食返碟！😜魚皮麻麻辣辣好開胃，而且一啲腥味都無，入口滑嘟嘟，好食好正！😀食完小食食主菜，我地叫左個水煮牛肩肉！🐮牛肩肉煮得夠辣，辣味好重好濃郁，而牛肩肉亦好煙韌爽口唔老身，好味😋我地仲食埋個黑糖脆炸糍粑做飯後甜品🍮糍粑充滿黑糖味，甜甜地好好味！而且炸過更香口！加上入口唔會黏牙仲好煙韌，簡直完美💜