御泰坊-泰越菜 (已結業)

食過兩次，有幾道菜係必點！1.大蝦柚子沙律蝦好爽，都算大隻，仲有銀魚仔，好惹味。以前菜來講，份量剛好，不過都頗辣，男朋友有少少頂唔順。2.燒牛排糯米飯牛排叫六成熟，上檯時七成，都算OK。唔好以為細細筒飯食唔飽，兩個人都夠架！牛排嫩口，食得出新鮮又有肉汁，而且配埋D汁好吸引，我每次都食到停唔到手！其他食品如牛油果紙米卷、特飲等，都不錯，下次都想試下麵包麵包雞，聽聞個咖喱好香。至於環境呢，嘈左少少，不過呢間餐廳有長桌同圓桌，一班舊同學聚會就唔錯喇，加埋服務態度好，我會繼續幫襯。