瀛喜日本料理 (已結業)

呢間放題之前已試過三、四次。記得第一次試時有得燒海鮮覺得好特別同埋D質素都ok，仲要唔洗加錢。但之後再黎已經冇左燒海鮮。再試第三次時，發現原來而家燒海鮮book位時要講埋同埋要加$。 今日同啲同事收完工再次去食，九點幾去度，個場都有半數人，可能平日啦，一坐抵我地已經瘋狂劃劃劃。天婦羅啲粉唔算厚，唔錯。炸物因為我冇食到，但同事話ok。碟炒魷魚幾惹味，但辣左少少燒蝦好好味，夠新鮮，加埋外層D椒鹽非常夾，係我食過甘多間放題最好味既一間。軍覽波波都有好多款式揀同埋都好新鮮，細細粒容易食。刺身冇影到，蝦都算幾新鮮，推介!帶子及象拔蚌略嫌有點腥味。服務方面大致ok,不過其中一個略胖既女侍應上菜就比較冇禮貌，次次都放係枱角邊，去過幾次都係咁。總結呢個價錢，質素都算唔錯。