NUTTEA (海光街) (已結業)

我一直都好鍾意飲奶蓋茶，但平時都係飲開用牛奶芝士製成嘅奶蓋，今次係第一次飲純素堅果奶蓋，感覺好有驚喜！仲一試便愛上😍Nuttea嘅堅果奶蓋，冇牛奶冇奶精，仲用咗5款不同嘅堅果而成，包括有杏仁、合桃、夏威夷果仁、榛果、腰果，原來飲奶蓋都可以咁健康！✨伯爵朱古力堅果奶蓋茶$46面頭一層厚厚嘅奶蓋，仲配以一隻匙羹鏟品嚐。堅果奶蓋醇厚濃郁，口感好滑好就濃厚，味道帶少少鹹，朱古力味香濃，榛子味道突出；伯爵茶茶味豐盈，好清爽；朱古力堅果奶蓋同伯爵茶簡直係Perfect Match！✨香蕉燕麥堅果奶$38朋友嘅香蕉燕麥堅果奶，聽落已經好健康，全杯都充滿香蕉嘅香甜味！味道天然，仲夾集住堅果奶嘅香氣，燕麥份量都唔少，幾飽肚，仲令口感更加豐富。