荳子 (海壩街) (已結業)

今日去左荃灣食飯，終於黎左想食好耐既荳子！（經過亞玉豆腐花，超多人排隊）已經一早做好要排隊既打算，話曬係人氣餐廳，點知好好彩 6:45黎到，唔使排隊，仲有好多空位！我地兩個人，叫左1個意粉，1個小食拼盤，加一個蛋糕！呢個係招牌意粉，黑松露好香，意粉煮得剛剛好！另外有半隻軟殼蟹，唔算好特別，相比意粉，比較失色！小食拼盤有兩種味道既單骨雞翼，有蜜糖味同埋辣味，另外有洋蔥圈，肉醬意粉，同埋少少沙律係中間，成個拼盤3-4個人share 都夠曬！個人覺得雞翼最好味，肉醬薯條都唔錯！蛋糕係玫瑰荔枝味，mousse 入面包住蛋糕，mousse 好香，但蛋糕太乾！蛋糕加＄25，（原價＄4X），所以幾抵食，有唔同款揀！