麵屋豚豚拍子 x 辛味屋 (已結業)

今日去寶琳新都城行街，阿囡話呢間 豚豚拍子 未食過，咁就一於去試下啦！Order咗2碗拉麵，一個廣島蠔咖喱飯，燒牛舌同燒魷魚筒，埋單300幾，價錢就吾評論啦，但出品就眞係不敢恭維。拉麵湯底好稀，麵質吾掂，咬落好似食緊上海麵咁。紙咁薄嘅9片燒牛舌，煙韌彈牙，重點係——凍嘅！燒魷魚筒係先烚熟，再求其燒一下，成只白雪雪，一d味都無！咖喱飯有三只吉列蠔，炸粉好厚，裡面只蠔得粒紅棗咁大！食完，阿囡都話中無下次！