吃吧 (僑建大廈) (已結業)

之前已經食過一次，質素真係好唔錯，於是今日同朋友再訪。餐廳設計行工業風，環境都幾闊落。哩間餐廳最特別既地方係食物賣相好有特色，好岩打卡📸️而家仲出左新Menu👇🏻今次除左叫左兩個主食同朋友share之外，仲專登試下新出既甜品。🔸慢煮甜酒燴和牛面頰 $188上次黎食已經係叫哩個，今次再叫因為真係好好味😆和牛面頰煮得非常軟稔，輕輕一切就能夠切開，入口牛味濃郁，有淡淡既甜酒香味，薯蓉亦充滿牛油香，好食推薦👍🏻🔸慢煮香草牛柳配松露泡沫大啡菇 $188牛柳牛味濃郁，肉質粉嫩，肉厚有咬口，大啡菇非常juicy，同樣配有香滑薯蓉。🍫曲奇朱古力奶昔 $68哩個又係翻兜推介😆朱古力味香濃，奶昔上面有cream、爆谷粒粒同Oreo曲奇，朱古力控同曲奇控一定鐘意，好飲推薦👍🏻🍯焦糖蜂蜜奶昔 $68有清甜既蜂蜜味，面層亦係加上好多cream同爆谷粒粒。🍦Chiba Special Dessert $68面層係雪糕同棉花糖，底層係香脆既番薯條，番薯條味道香甜，棉花糖燒過，可以做到拉絲效果，凍加熱既配搭真係唔錯。整體黎講，餐廳食物有質素，亦好岩打卡，大家係旺角想搵野食都可以試下。