咯咯雞韓食店 (亞士厘道) (已結業)

作為一個好掛住韓國嘅人類🇰🇷久唔久就想經由味蕾去舒緩吓思鄉之情係好合情合理嘅😙😙又適逢今日係 #721 心頭又湧起無限無力感…所以去💛店食啲好味嘅嘢平衡吓心理係好應該嘅…我哋嚟到門囗淨睇裝潢同標語已feel到果浸黃氣同韓風💯急不及待點嘢食啦！！叫咗✨ 蒜香醬油炸雞(半份) $119 一上枱已經聞到香噴噴😍😍仲要熱辣辣兼脆卜卜！醬汁色澤夠深且夠哂惹味！帶有微微甜味＆濃濃蒜香！再灑埋芝蔴粒！色香味俱全👏🏻👏🏻再叫✨ 冬陰功泡菜炒粉絲 (牛) $88 好新奇嘅組合🌟所以忍唔住叫咗！韓式粉絲炒得彈牙就係意料中事啦！牛肉片亦唔韌！仲有蝦仁添！不過冬陰功x泡菜真係唔講得笑🌶️🌶️愈食愈有辣勁！！最後點埋✨ 香辣芝士薯仔煎餅 $89齋係睇賣相已經知道係極度邪惡之物🤩🤩芝！士！控！必！點！澎湃嘅半溶芝士唔係人咁品！真係未食已經流曬口水🤤🤤唔係幾食到辣味但真係熱辣到燙手✅配埋脆口批邊而且入面仲加咗薯仔粒！！總之成份煎餅就係RICH💥整體嚟講以座落尖沙咀地段😎同埋呢啲合理價位😎性價比實在算高！下次可以再嚟試埋其他口味嘅炸雞💛