盛記盆菜&盛記麵家

12個人打邊爐
分開兩個鍋
一個醉雞湯
一個雪梨鯊魚骨湯

鯊魚骨湯鮮甜好味
但係醉雞湯唔記得咗一開波落
變咗一開始齋食清湯😂

好在所有配料都好新鮮
首先食咗象拔蚌刺身
鮮甜夠新鮮👍

之後先至開始打邊爐
叫左好多都係招牌推介
炸響鈴
手打墨魚膠
油炸鬼釀蝦膠同墨魚膠
鵝腸

最出色都係碟牛
灼一灼就食得
牛味濃入口林
好味

食完晒所有嘢食
最後先落醉雞
變咗成個湯底都好甜
唔淨止有醉雞味加埋其他配料嘅味道
層次唔同咗👍🏻👍🏻

最後碌埋菜吸晒所有精華
完全係完美嘅一餐😍😍