Applegreen (已結業)

睇完戲，就去左呢度食飯，因為以前去尖沙咀果間，覺得幾好食。今次點﹖好就唔會有呢條題啦﹗柯打左明太子意粉、魚沙律、雞翼，重有飲品。四樣野係得明太子意粉叫做正常，雖然唔係超好味，但起碼夠煙韌，應該咁講，我咬得開先丫。咬唔開既係咩野﹖就係雞翼啦，我咬落去果下，重以為自己棚牙有問題，有乜理由會咁韌架﹖食左半隻，已經覺得超累，唔入味就唔使講啦，直頭一無是處。咁沙律又點呢﹖醬汁無撈勻，菜又無撈勻，其實直頭係一條煎好既魚放係堆菜上面就拎出黎咁，份量就連以前既一半都無，旺角租貴都唔使咁呀﹖果然係神秘既旺角力量，任何餐廳入到黎都唔好食既。