川味辣蟹·串燒·烤魚·雞煲·專門店 (已結業)

已經好耐無食雞煲，所以今晚揀左去尖沙咀食雞煲！朋友推薦左川味辣蟹·串燒·烤魚·雞煲·專門店😂 個名好長！但貪佢咩都有得食，夠哂方便👏 重點係佢有一蚊雞煲，超吸引！前排仲有ig打卡送辣雞翼尖，但因為已經夠食了，所以我都無再加。 我地首先叫左小炒，分別有豉椒炒蜆同豉椒炒蟶子。兩樣個味都好濃郁，完全係above standard，蜆同蟶子既數量多而且多肉！食到舔舔脷呀😋 串燒類叫左一個燒翠玉瓜，大約$20一串，係落左類似七味粉咁樣燒，好好食，唔膩又健康！之後百零蚊就有一個海鮮砂鍋粥，自選海鮮🦞 我地揀左海蝦，佢地附送左蜆去增加個鮮味！海蝦大大隻！而且有5-7隻？兩個人食岩岩好。粥底超入味，一定熬過，仲有d菜譜同蔥比你點綴。跟住重頭戲係雞煲，招牌雞煲實在太好食了，我地叫咗bb辣，香辣既感覺超好食呀，特別係食洋蔥更入味！雞大隻多肉，食完全個身都係果陣雞煲味hahahah 只要每人叫滿$150就可以加$1 加雞煲真係好抵食，希望以後keep住呢個優惠啦🙏🏻🙏🏻