火五越式牛肉粉專門店 (其昌樓)

营业中

休息中

係伊利沙伯醫院覆完診，反正要等囉藥，打算落佐敦食個飯先， 係OpenRice 搵到呢間評價都幾高，咁啱又想食吓湯粉， 就選擇呢間入去試吓。見到個下午茶，咖哩吉列豬扒飯，包飲品都只係40蚊， 咁抵，冇理由唔試下架～～～， 不過味道就好似食波仔盒飯咁，有啲後悔點解唔食自己本嚟想食嘅牛肉河呢🤔阿囡就食咗個香茅豬扒跟油飯，佢話好味😋另加一個一口芝士年糕，熱辣辣都好濃芝士味。我下次會再嚟，一定要試生牛河😋最後補充， 地下好滑， 好似好耐冇拖過地咁， 由其是個廁所😒， 我差啲跌落地😤。女廁個屎塔高咗一級， 腳又踩唔到上去同一級， 所以腳唔長嘅女士， 唔洗只意可以無影凳解決。