平成二十二日本料理 (已結業)

三人行喺尖沙咀 晚餐就喺呢間食日本菜 放題。本人負責訂枱 大約早入座前一個半鐘打電話去訂位。有些可惜嘅係要我地坐吧位，店面不大，所以坐得唔太舒服，位子較窄。吧枱面對㕑師，但就唔會話好清楚見到佢地整野食過程。一到達的哋就即時入座，唔需要等！  環境就個人覺得好一般，店舖小但位子放滿，0空間感。坐低後，侍應都即刻同我地講話飲品係免費，自己可以去雪櫃拎。飲品都係汽水同烏龍茶。但就喺拎飲品時見到同一個雪櫃，泡芙都一齊放 分開放會更好...到叫嘢食，有大約6張紙可以tick。但一張紙都係得大約10款食物。叫完一輪後就基本上覺得選擇真係唔夠多。食物方面:刺身: 新鮮！但選擇少！ 蝦連殻 冇濕紙巾或其他嘢抹手，較麻煩。但蝦甜，新鮮！  羊𩣑： 煮得有點過火，又係用手食。壽司：冇飛魚子壽司，海膽壽司，有點失望。炸物: 全部炸得幾好，炸粉同火喉剛好，但本身主角味道唔夠出。例如: 炸蕃薯天婦蘿同芝士年糕，睇落吸引個食落去。食完真係唔知食咗啲咩，有點失望。 甜品: 係雀巢雪糕！本人仲期望有哈根大師等級嘅雪糕。最後，就係覺得冇乜特別，可去一趟，但唔洗去下次。