吉壽日本料理 (已結業)

成日都食放題，真係肥死，但係同一班朋友食放題真係好爽， 尤其是有啲朋友係咁喪食，你淨係見到佢食得咁爽就已經好開心、好好笑 。今日又來吉壽嘞，吉壽之前都食過，都知道大概質素去到邊度，一般啦，可接受。刺身 都ok ，最值得欣賞嘅係串燒， 串燒燒得好香口 ，之前來吉壽餐廳會有一陣怪味，今次好似有改善啦。 服務依然都ok，上菜好快， 冇乜漏單，但係張枱好細，要食完即刻收碟，唔係冇位擺 。吉壽 嘅地點好就腳 ，就大家放工都好方便 ，但係唔會成日都去食，因為都知道質素一般 ，一年食一次都還可以 ，價錢都算抵。