金寶美食中心

食得多某間茶記，又試下佢隔離呢間，餐牌格局完全一樣，連午餐啲飯都差唔多，係互相抄襲定係同一個老細？價錢都一樣，不過呢邊冷氣勁啲，多啲枱，但客少啲。

先來個B餐咖哩牛肚牛肉飯，好多肚無乜肉，咖哩汁少少辣夠香，幾舊大薯仔入味又飽肚，飯好大個，但啲飯唔多掂，好散好乾唔好味，仲送上孤獨的一條菜。

同事要瓜粒湯飯，好大碗湯，好少飯，料都算多，冬瓜粒，絲瓜粒，火腿片，肉粒，蝦仔，菇粒，湯幾鮮味。

1

熱檸茶有五片檸檬，好闊綽。

1

凍檸茶四片檸，少甜都好甜。

全場都係男食客……感覺真係有啲麻甩。