錦麗 (屯門市廣場) (已結業)

早前仲有晚市堂食，見唔駛點等位，試左呢間越南菜，見到餐廳一d介紹講到喺胡志明市好似都幾出名

1

睇過餐牌後，套餐咁岩岩食，又平少少，所以叫左餐

滴漏咖啡老公話唔好飲，咖啡唔夠苦，煉奶唔夠多同甜，同喺越南飲嘅無得比，差太遠🙈

雞絲札肉香濃華湯金邊粉
本身想轉做河粉，落單姐姐懶，話其實都係差唔多，好似架，所以我諗住是但啦
我認我咀叼，真係食到個分別，唔係差多🥲
個湯都係味精湯，名大於實，無佢講到咁香濃；

1

老公叫左胡志明綜合粉，佢話都係一般

最零失手感覺係呢碟小食喇，所有野都有現有野拎去炸啫

本身叫左馬拉盞通菜，黎錯左變左豉油通菜，通知侍應換，都係比返同一碟你加返醬