松屋日本料理 (已結業)

24-07-08講左好耐o既日本放題之旅終於排到期喇~哈哈~今日亦都有另一個好消息~所以呢~今餐都算係慶祝吧~呢個地方都真係幾隔涉，因為佢係響佐敦同尖沙咀地鐵站之間，好在有人帶路﹗去到坐低即刻睇下有咩可以叫，原來種類都唔係好多，佢係分3張紙o既：(1)壽司刺身：都係不停叫三文魚刺身，仲有魷魚都唔錯，不過係冇甜蝦刺身叫的，只係得壽司，真係失色左少少。(2)串燒：好多款都試左，比較有印象o既係牛舌﹗好味﹗最後想encore不過已經太飽了﹗仲有試左冬菇，苦的，麻麻。仲有雞軟骨、豬頸肉、之類之類都OK。(3)料理：最有印象係羊排，都幾唔錯，又熱又夠油香。仲有個枝豆，都幾好食，食下食下都食唔少。仲有好多咩凍豆腐、小食果D。仲有天婦羅，印象唔係好深刻。有拉麵果D，不過就冇叫到。仲有個芝麻雞翼，幾肥的，不過都幾好食，仲有雪糕果D。任飲的有可樂啤酒柑桔檸檬等，仲有貪得意叫左清酒，變成了大懲罰的用具，因為實在難以下嚥。服務都幾唔錯，都冇咩點漏單，有個好似老闆的人響我地走時見我地食剩左D雞翼，自己都食返隻，哈哈，又鼓勵我地食多D，唔錯丫。最後我地夠鐘要走佢地都好好態度咁示意我地埋單。總括黎講，食物種類同味