樓下冰室 (已結業)

今日路过荃湾谂住去揾一间好食嘅茶记啦， 点知发现𠮶间茶记多人到排晒队， 我谂冇返半个钟一个钟都应该入唔到去喇。 行下附近见到呢间， 装修都几唔错， 而且人都算多于是入去食。我同朋友睇到个menu大部分嘅餐都要40几50蚊， 茶记嚟讲实在唔算平， 不过荃湾都系咁㗎啦除非楼上舖嘅啫。朋友叫咗𠮶个嘅 煎蛋肉酱饭首先到， 呢啲嘢对茶记嚟讲实在冇难度啦。 你都就卖相一般般， 好多汁唔算多肉， 不过味道都过得去。隔咗一阵我呢个咖哩牛腩饭都嚟啦， 咖哩味就一般， 如果钟意食甜啲嘅应该会钟意。 个汁都几杰有诚意。 重点系牛腩都非常之多， 我呢个食肉兽竟然食唔晒。 不过隔离啲菜就颓啲啦， 焗到淋咗。杯冻奶茶都ok， 唔知系咪因为多人得济所以水准一般呢。