道頓堀御好燒專門店 (K11購物藝術館) (已結業)

今日去左少沙咀旧K11试下商场入面既餐厅，见到有一间系做自助大板烧，我地叫左份单点就够，其实叫两份，两个人食，都已经够饱。因为佢啲酱料好油腻，好饱肚，叫自助好似好晒钱！我地分别点左1份1 CM厚切加拿大自然猪腩肉同埋鸡牛猪炒面，佢其余果啲款式其实都系万变不离其中，都系大板烧，我地想两款食物都试下，就试下叫个炒面，但谂番起其实唔抵同埋唔应该！个炒面同平时系茶记既冇咩分别，仲要自己比贵啲钱去自己炒......味道方面就毋须要评价吧，毕竟都系自己炒，自己落配料及酱汁。1. 1 CM厚切加拿大自然猪腩肉 8/10呢份猪腩肉质素颇佳，新鲜味美，几有肉地，几好咬口，我几钟意！大板酱同食材中规中矩，比得呢个价钱，预左佢个味道同啲小食舖其实相差不远，但真系感受下自己既个人参与度同埋同朋友既互动，志在参与！2. 炒面 5/10自制干炒牛河，冇咩特别，自己洗多一百蚊比自己去煮，好似好傻。建议大家唔好去到点呢一个。