PizzaExpress (已結業)

今晚約左班朋友試呢間PIZZA EXPRESS, 我地訂左7點半, 門口出面既座位係多過舖內既, 我地被安排坐喺門口出面既位, 即係好似坐food court咁, 當然啲椅好坐啲啦! 其實食物種類唔算太多, 我地都只係叫左凱撒沙律,比較清既沙律, 只有芝士同菜加啲麵包粒, 幾好食家! 焗麵包都叫左幾款, 有啲大個既, 有啲細粒既有款就配埋磨菇, 麵包幾鬆軟幾好食, 菠菜餃子都幾特別, 餃子形既意粉裡包住啲菠菜, 幾好食! 另外叫左三款pizza, 烤鴨pizza就麻麻地啦, 感覺怪怪囉中西remix, 羅馬兄弟pizza都唔錯, 最好食就係pama ham pizza啦, 不過三款pizza邊都係焗得太耐啦, 唔脆呀, 好硬添, 我地最後係放棄晒啲邊冇食到! 甜品我地就叫左提拉米素, 芝士餅同埋朱古力蛋糕, 芝士餅最唔掂, 一啲芝士味都冇, 差!!! 朱古力蛋糕同提拉米素都尚算ok總結 : 試過一次就算啦!