滿屋甜品 (已結業)

尋日同同事黎左食晏，見到一大班學生，原來學生餐只係$18，係用個砵仔焗飯，好似唔錯，仲有七八款揀，做學生真好呢﹗但係我地唔係學生，唯有捱貴飯，佢午餐選擇都算多，有米線、焗飯、煲仔飯等…我地叫左一個豉油王雞翼煲仔飯同焗豬扒意兩份，個煲仔飯得三隻雞翼，d飯完全無味，都係傳統煲仔飯好味好多﹗而個焗豬扒意就唔錯，好多豬扒，味道都ok。最後仲跟兩個甜品，我地揀左豆腐花，又幾滑喎，跟佢黎計都算大碗架喇。