上上拉麵小籠包 (已搬遷) 新店位置

一行五人,預早訂左枱,但係原來人唔多,唔訂都有位(星期日都係咁係咪因為經濟差?),不過d位好迫好窄,個場望落靚,但係坐落唔太舒適...食物方面,比預期無咁好,因為好多上海菜館都做得比佢出色!賽磅蟹:呢味係我必叫,但係呢度做得都幾差上,原因係無料,只係蛋白加好少好少魚肉,係少郅根本食唔出果隻,然後上面打隻蛋葨就算,連西蘭花都無一粒!薰魚:味濃,但唔好食,味道怪怪地...素鵝:皮厚,無味,而且太油!白肉粉皮:好寡呀!豬肉雖然唔肥,切得薄,但係無味,其實我諗喜歡既人應該覺得唔錯既,但係唔岩我口味!小籠包:一籠只得四件,唔多汁,肉多,但少少肥,麻麻地,唔夠香口!素菜餃:皮太硬喇,料又唔好,菜類係求求其其紅蘿蔔粒,乜粒物粒之類,又唔夠味!放一陣已經乾晒喇!雪菜肉繼拉麵:肉絲少到呢...茶餐廳多佢好多囉,拉麵又幼又無味,唔係好得,雪菜都唔多啦!醉雞:我唔掂得酒,所以無食,但觀乎呢味好快被大家解決左,我覺得應該幾好!