影片
更多
2023-12-10
1595 浏览
以前隔一段时间都会去德美食日本野，贪佢性价比高。不过自从宝琳果间冇左之后就冇再食，难得星期二系观塘做完野，就去试下呢间分店。我地见到menu有二人餐($358)，啱哂好饿唔想谂野既我地。入面有多款野食。.前菜有烟三文鱼和风沙律，沙律菜够新鲜，配埋沙律酱够哂开胃！另外仲有带子裙边，呢个食落有惊喜，加埋个汁酸酸甜甜几惹味。寿司剌身方面就有四块厚切三文鱼同两块油甘鱼寿司～厚切三文鱼够哂肥美！平时好怕油甘鱼一咬会有腥味，但呢个厚身得黎唔腥，食落带点甘甜。.烧物我地拣左三文鱼鲛腩，十分有惊喜👍🏻鱼身潇上少少盐烧，令鱼肉味道更加提升，皮脆但鱼肉好嫩，入口即溶，鱼油封哂系鱼身入面，食完个嘴成口鱼油香😍.主食我地拣左日式炒饭同野菜牛肉锅。牛肉锅既牛肉份量超级多，牛肉都好嫩滑，寿喜烧汤汁比较浓，个人好推介炒饭加入少少汤汁，两者既味道都好夹。而炒饭入面既虾肉终于唔系出面食既急冻野，虾味浓、肉质爽弹🦐.讲到呢度，其实仲未食哂，仲有个天妇罗拼盘，入面有大虾 2 只、茄子、番薯、南瓜同冬菇各一。个人好钟意大虾天妇罗，入面虾肉都系好爽弹新鲜，外皮脆身。.最后仲有个味噌汤同甜品(泡芙)，为今餐画上完美句号。味噌汤有
以前隔一段时间都会去德美食日本野，贪佢性价比高。不过自从宝琳果间冇左之后就冇再食，难得星期二系观塘做完野，就去试下呢间分店。
我地见到menu有二人餐($358)，啱哂好饿唔想谂野既我地。入面有多款野食。
.
精选二人餐
$358
55 浏览
0 赞好
0 留言
前菜有烟三文鱼和风沙律，沙律菜够新鲜，配埋沙律酱够哂开胃！
另外仲有带子裙边，呢个食落有惊喜，加埋个汁酸酸甜甜几惹味。
寿司剌身方面就有四块厚切三文鱼同两块油甘鱼寿司～厚切三文鱼够哂肥美！平时好怕油甘鱼一咬会有腥味，但呢个厚身得黎唔腥，食落带点甘甜。
.
三文鱼鲛腩
32 浏览
0 赞好
0 留言
烧物我地拣左三文鱼鲛腩，十分有惊喜👍🏻
鱼身潇上少少盐烧，令鱼肉味道更加提升，皮脆但鱼肉好嫩，入口即溶，鱼油封哂系鱼身入面，食完个嘴成口鱼油香😍
.
日式炒饭
26 浏览
0 赞好
0 留言
野菜牛肉锅
22 浏览
0 赞好
0 留言
主食我地拣左日式炒饭同野菜牛肉锅。
牛肉锅既牛肉份量超级多，牛肉都好嫩滑，寿喜烧汤汁比较浓，个人好推介炒饭加入少少汤汁，两者既味道都好夹。
而炒饭入面既虾肉终于唔系出面食既急冻野，虾味浓、肉质爽弹🦐
.
天妇罗拼盘
9 浏览
0 赞好
0 留言
讲到呢度，其实仲未食哂，仲有个天妇罗拼盘，入面有大虾 2 只、茄子、番薯、南瓜同冬菇各一。个人好钟意大虾天妇罗，入面虾肉都系好爽弹新鲜，外皮脆身。
.
最后仲有个味噌汤同甜品(泡芙)，为今餐画上完美句号。
味噌汤有大大只蚬，用料唔马虎，味道亦唔似现成既咁咸。
总括黎讲，我地觉得德美既二人餐好抵食，两个人400零蚊有找但食到间质素唔错既日本野，特别系炸物烧物做得好出色。我地两个人食到饭同牛肉锅已经好饱🤣
张贴
