Camellia (已結業)

今日為慶祝朋友生日，搵咗呢間餐廳，見佢裝修靚，大大張卡坐應該幾舒服，早一星期既星期日下午打電話去無人聽，於是響 Open Rice落 reserve, 準時去到餐廳當時唔多人，仲有好多吉枱卡座，先唔講佢既食物質素，佢地竟然帶我地去到廚房門口，比一張臨時加既枱比我地，一企定已成頭汗，未坐低已經話唔ok, 果張枱一邊拍實玻璃，兩張凳平排望窗，背住廚房，而廚房門係開住既，我地堅持唔坐，佢地話幫我地安排，最後坐咗門口既小圓枱，以上經歷，令我以後都唔會再幫襯。講番啲食物，湯係凍既，主菜都係凍既，甜品叫咗仲夏野莓，完全食唔出有野莓既味道，只有花茶比較有水準，其他可以不提，兩個人埋單六百幾，一肚氣！