丸十あぶり牧場 (已結業)

之前同朋友介紹過丸十之後，朋友又比我燒到想試，今次反正大家就到時間就相約喺moko食丸十，menu大致同朗豪坊果間差唔多。雜錦天婦羅 $98一份有炸蝦x2、南瓜、冬菇等等天婦羅漿炸得香脆，入口唔油膩炸蝦彈牙又夠大隻。雞之盛宴 $128一份有5串雞既串燒，由左至右分別係雞全翼、雞軟骨、免治雞肉、雞腿肉同雞皮。燒和牛丼伴溫泉玉子定食 $148牛肉唔鞋口，食落有肉味有油脂飯伴埋溫泉蛋食非常之好送飯，食完想再食多碗。