吉列牛忌廉烏冬專門店 (百樂中心) (已結業)

見同朋友行開銅鑼灣，又見到間吉列牛肉專門店，見唔使等位，咁走咗入去試吓。結果真係冇令到我失望，呢間真係唔錯嘅吉列牛餐廳。首先講吓個吉列牛套餐。出面塊皮故知然係好香脆，入邊嘅牛肉亦都整得好腍身。下面仲有塊石燒板， keep住個溫度，非常細心。唔鍾意食太生嘅朋友可以燒多兩燒先食。咖喱忌廉烏冬嘅呢個配搭我都係第一次試，本身以為忌廉會好肥膩但係同咖喱溝埋一齊，會覺得好新奇，因為忌廉又會中和返咖喱嘅辛辣味，而且烏冬口感好煙韌，唔怪得知一間舖頭主打吉列牛之外，仲主打忌廉烏冬。雞軟骨餃子超好食。平時普通豬肉餃子我都覺得好食，但係雞軟骨餃子特別在佢有雞軟骨勁咬口，一粒粒卜卜脆，再點埋醋就更加好食了。柚子梳打特飲非常清新。食完呢啲咁肥膩同煎炸嘢之後再配以一個梳打特飲感覺就又可以食多一餐。朋友就唔太鍾意飲汽水，所以就叫咗個熱菊花蜜。佢話個味道都唔錯大家都可以試吓。