御苑皇宴 (已結業)

第一次黎九龍灣飲茶，上到十三樓，同一層有幾間茶樓，一時之間真係唔知選邊度好，最後揀左最多人等位嘅皇宴。等左一陣，侍應話其實隔離間都係同一樣，只不過裝修唔同，問我地去唔去個邊，唔使等位，無所謂啦。坐落，好快就黎滾水同小食，滾水唔熱，算啦用黎洗下碗筷啫。小食雲耳好香蒜容味同小小辣，幾開胃，可惜有沙…蟹籽燒賣皇，豬肉燒賣，好油同好多肥肉，唔係我杯茶。百花讓魚肚，幾入味，但普普通通。市橋蒸白賣，係第二度無食過，幾新款。魚肉幾滑，ok啦。豉椒蒸鳳爪，無味，鳳爪同花生都好硬，根本未蒸好。北菰滑雞扎，雞好大塊，但又係好大舊肥膏，怕怕…杯茶幾香，水亦夠滾，服務態度都ok，但食物一搬，不過星期六有折唔算貴，十幾蚊個小點囉。