啡音棧 (已結業)

話說...有project要做，離開office後就向旺角『啡音棧』出發~今晚都唔算太嘈，台上兩堆人喺度玩(好似係b ~day party)，台下有一班年長少少嘅嬸嬸、叔叔喺度玩UNO，估唔到大年紀嘅人都會上樓上CAFE，有少少意外。不過，當然都唔關我事啦~一坐低一邊打開Lap book，一邊準備嗌D 飲品(因為實在唔肚餓)好新奇嘅係CAFE居然有『薑檸樂』，佢嘅SELLING POINT係..." 用花荼壺 煲住飲 唔怕凍 " ，所以就叫咗杯試下啦~第一啖(花茶杯一啖過)，OK啦~同平時飲嘅差不多，有薑&檸檬味囉~然後開始做野...隔左一陣...第二啖，薑嘅辣味開始濃烈...咁啱今日有D感冒，個鼻塞塞地，突然間通左~超搞笑呀~望住沖呢壺野俾我嘅嗰個男仔話，如果感冒飲呢杯『薑檸樂』好過飲 X X 感冒熱飲喎~哈哈哈~突然間覺得好神奇，而且佢嘅辣味好醒神~就係咁一路做一飲，大概十二點左右我見佢地開始清場，我都埋單走人啦，費事阻人收工嘛~一壺『薑檸樂』$45左右，如果同茶餐廳比係貴左少少，但志在有地方做野，同埋大大壺~煲住飲又真係幾過引~下次上嚟會再叫呢壺，希望今晚有覺好訓啦~