666泰船麵 (仁愛街) (已結業)

新蒲崗雖然冇地鐵但一樣食肆多，大叔今日去了這區辦事就順便嚟呢頭開餐，一看就見到呢間泰國菜餐廳，心入面即刻諗起「冬陰功湯」，所以走去門面望望個餐牌有冇，望到有就走咗入去。椰青咖哩牛腩飯$56咖喱有椰青確係香啲，咖哩唔辣易入口，牛腩炆得淋唔會嚡，五十幾蚊比起連鎖店可能差唔多卻又好食啲。炸魚皮配冬陰功湯$26之前未食過冬陰功湯配炸魚皮食法，幾特別又唔貴所以叫了一客，冬陰功湯酸辣度唔算好強但幾惹味，第一啖有少少嗆口，之後適應了辣度就飲得順口。記住唔好咁快飲晒，因為可以將炸魚皮放入湯後再食，大叔放炸魚皮入湯一下再攞出來，一浸即'紅'，已經見到魚皮吸收了湯汁，食落嚐到滿滿冬陰功嘅魚皮，而魚皮又處於酥脆與淋淋地嘅狀態，口感有趣。雞串燒$41最出色係啲醬汁，再加埋花生粒更有口感，燒烤得幾香，唔錯。邊食邊飲杯凍咸檸七$15，頓時感受最暢快時刻，食物唔太貴味道亦ok，整體唔錯。