上壽司 (已結業)

見Openrice 有49個好評，於是叫媽咪大人一齊去試試，試過之後，發覺實在不應該有49個好評囉 !!!!我同媽咪大人去美麗華商場上壽司，一入去坐低，見環境ok，不過好多罐裝汽水一排排放晒出黎，好似坐在貨倉裡面食飯咁……個餐牌都ok，有好多款式，立即以最快速度填寫，(因為只有個半鐘時間order)，唸住應該會ok， 點知出事啦…..由3 點等到3點半，都仲未有一碟食物送黎，叫人幫我追單，d 人好似唔想做咁，扮見你唔到，聽唔到你叫，傾計都唔幫d 客追下單，有冇搞錯呀!!! 結果成3點九至有第一碟魚生送到…唉，食龍肉都無味啦，等成45分鐘，叫人幫我追單叫左成十次，一碟魚生要叫十次先到，其他d熱食等幾耐…唔使講啦，我建議食飽先至好去呢間美麗華商場上壽司囉，等食要等九個字囉，餓死左都未有得食，以後都唔會再去。