順濠坊 (已結業)

一碟順濠坊的招牌菜黃金脆皮九肚魚，令我改寫了對九肚魚的觀感。點解我咁講，就係因為佢“黃金脆皮九肚魚”，討厭食魚嘅我都忍唔住不停口咁食，真係好香。脆。滑。嫩，可口非常。唔怪得有人同我講一人可以叫一碟，根本都唔誇張，不油不膩，香口滑溜，仲要冇骨，你叫我點拒絕呀～有人仲叫我點埋喼汁一齊食，又真係更提升魚的鮮味，好好味呀～真心會令人掛住的小食，我會再來食你的，九肚魚你要等我呀～是日廚師推介牛油蒜蓉煮青口，青口新鮮，大大隻，仲好鮮甜。豉椒炒聖子，聖子爽脆，配菜有紅青椒及紅洋蔥，惹味可口。清湯牛坑腩，牛坑腩腍鮮嫩，肉質彈牙， 白蘿蔔超甜，食得出用靚料及用心製造，工序繁多。麻辣水煮魚， 鋪滿紅辣椒的小辣水煮魚，剛入口不算辣， 辣味從後漸漸走出來，魚肉夠滑，骨不算多，都很不錯。同場加映懷舊小食陳皮魚蛋， 無糖水浸處理的菠蘿片及新鮮哈密瓜。另外喜歡食羊腩煲嘅朋友，順濠坊幫到你，佢哋個羊腩煲只係$368送菜一碟，4人份量，唔食齋聞個香味都不得了。剛好我隔離枱有對斯文情侶，男嘅西裝骨骨，女嘅溫文爾雅，竟然佢哋兩人都能殲滅整個羊腩煲，果然厲害， 蕉姐今次真係甘拜下風。就係因為太好食，點可以錯失每一件羊腩呢～如