一碗肉燥 (喜薈)

营业中

休息中

香港唔少食台灣菜既餐廳，但唔係間間都有驚喜，呢間餐廳有個地方我非常鍾意，就係佢個菜單設計，精緻小菜套餐既選擇可以個人化揀自己鍾意既配菜，一個餐但食到唔同小吃，對於每次都眼闊肚窄想食幾款野食既人黎講非常perfect！今次我叫左肉燥飯，豬耳，鹽酥雞，同海帶湯。豬耳好重麻油香，咸左少少，鹽酥雞既調味都好香，炸得幾香脆。肉燥飯都保持水準，但驚喜不大。海帶湯就普普通通。唔使錢加既野飲只有蜂蜜紅茶，冷熱同價，我叫左熱既，飲得出係用真既蜜糖，都幾潤不過就好甜，下次要試下叫小甜。總結黎講野食既水準都OK，同其他一般台灣餐廳差唔多，分量都好夠，每個配菜都幾多，如果唔夠飽仲可以免費加飯。如果突然想食台灣野但得一個人，我覺得都可以一試。