泰濃麵 (樂道)

完全唔明白點解呢間船麵咁多人食，標價太貴，普通雞肉麵，要$80。貴少少嘅豚肉、蠔、安格斯牛，就過$00.1碗麵。

飲品額外加$18 ，嗰啲聲稱泰式飲品，只係梳打水，連泰式奶茶都冇。


船麵湯底，偏甜，勝在熱辣辣（有煙）。而家去餐廳食嘢，熱到出現嘅情況真係買少見少。配料有：
魚蛋兩粒
芽菜、蔥、芫荽
雞髀肉冇調過味，反而有雪味
炸豬皮，幾好食，不過係貨源嘅問題，除非係店家自己製作
蘿蔔，九唔搭八
秋葵，九唔搭八

額外嗌咗份小食，炸蝦餅，有三件，幾好食，軟熟，唔可以叫彈牙

總括而言呢間嘢，冇咩必要都唔會再食，清水都冇杯就$121，假如你晚上6:00 後入座，仲有加一tim!!! 星期六日不設下午茶！