上海婆婆 (上水廣場) (已結業)

今晚喺上水廣場shopping完，去上海婆婆食埋飯先返屋企，叫咗幾味菜包括上海湯年糕。點知食食下，湯邊見到一隻蒼蠅屍體，跟著用筷子搞兩搞，又一隻菜蟲浮上來，當堂無哂胃口！我唔敢再 "抄" 落去，否則食咗嘅都會嘔番出嚟！之後同經理講，佢話再煑過一碗俾我，但我無信心所以取消。難以置信今時今日做食肆嘅衞生可以咁差！加上店長態度非常傲慢，無論對客人或對員工，都好似不可一世！離開之後開始有啲肚痛，唔知係咪心理影響，定係食物唔衞生引致？總之以後一定唔會再去呢間食肆！