餐廳有5個湯底選擇，而飲品方面亦有啤酒汽水可供選擇。
我點左個黑豚大蒜豚骨湯底，配料有肩胛肉，半熟蛋，木耳，大蔥，紫菜。
另外嗌咗個海老豚骨湯底。蝦味味噌豚骨湯附有肩胛肉，半熟蛋，筍乾，櫻花蝦，大蔥，紫菜。
黑豚湯底個味道好濃厚。湯底一啲都唔稀，熬咗十幾個鐘先會有哩種厚度。湯底亦有好香嘅蒜味，整體唔會太淡又唔會太咸。剛剛好。面身係細麵，硬麵身。個人喜歡食硬麵所以好啱我口味，半熟蛋整得啱啱好，係日本溏心蛋，個蛋黃好甜。蛋黃岩岩好.拉麵再配上紫菜嘅等等既配料，好好味。食到最尾再加咗個麵，依然係保持水準夠晒熱同硬。
海老湯底有好濃厚嘅蝦味，再配上櫻花蝦做配料。蝦嘅味道更加突出。豚肉本身係薄切，有3塊,半肥瘦啱啱好。唔會好油膩，木耳好爽口夠曬新鮮。好滿足
