一碗肉燥 (TKO Gateway西翼) (已結業)

下午茶時段見到呢間台式食店唔需要等位， 就即管入去試下。兩個人分別叫了一個迷你肉燥飯加台式小食套餐，跟餐叫了杯台式奶茶。個肉燥飯唔夠味又冇乜汁， 半隻半熟蛋就正常， 小食叫了個手工蔥抓餅， 件蔥抓餅就好油， 台式奶茶奶過多冇茶味， 反而飲到有桂花味，怪怪地。另外叫了一個迷你肉燥撈麵加台式小食套餐， 跟餐叫了杯凍檸檬桂花薏米特飲。個肉燥撈麵都係唔夠味， 秋葵就正常， 夠嫩多潺， 但個香麻醬 就得死鹹味 冇麻醬嘅香味， 反而杯檸檬桂花薏米特飲都幾好飲。整體而言， 應該都唔會再有下次幫襯！