一碗麵 (已結業)

坦白講，雖然喺灣仔呢個地段，價錢貴都預咗，但係150至$180一碗麵，內心都有啲激動。但當我食完，就心服口服❣️-點了大湯鮮魚麵，同埋腌篤鮮肉麵，兩碗湯頭好鮮甜，份量比一般嘅多，食極都仲有好多麵，啲料都唔吝嗇。鮮魚麵約有10多件魚，魚肉完全無骨，嫩滑厚肉，配合清新雪菜絲同彈牙上海麵條，真係冬天最佳comfort food😋食完個心都暖埋。至於腌篤鮮肉麵帶咸鮮，配料一樣俾得好大方，咸肉厚切，最驚喜係豆卜，咬落去係好綿密嘅、有啲似魚腐，唔會好似平時啲豆卜咁有空氣，仲要吸飽湯，真係神仙級。唯一要挑剔嘅就係無筍，作為腌篤鮮好似爭緊啲嘢。-最後試埋啲辣油，冇令人失望，雖然唔係好辣，但好香口、香辣有層次，食到豆豉嘅香，令成碗麵提昇到另一個層次。