影片
更多
2007-05-12
12 浏览
平時收到hsbc 的優惠睇怕最啱用係今次~ 咁…咪順便趁媽媽節前提早同阿太去咗呢度食dinner 囉！感激有OR 食友分享此優惠~ 不然我真係成日唔睇清楚就掉的人。<指定二人晚市套餐>盛八特式野菜沙律• 盛八冷奴• 日本產信州和牛• 阿拉斯加長蟹腳• 鹽燒依達赤豚肉• 鵝肝鴨胸卷伴藍莓汁• 法式芥苿芓牛舌• 意大利香草雞腿肉ver.2.0 • 特上和牛炒飯• 意大利天然低脂雪糕盛八特式野菜沙律：普通沙律一個。與我早陣子食的和井鐵板燒那碗感覺一樣~ 都係醋撈埋嗰啲咁啦！但又及不上和宴那個日本蕃茄沙律咁深刻…係我苛刻啫！盛八冷奴：即凍豆腐。一張正常撲克牌size 一開六…撈白芝麻汁咁啦！醬汁像早幾年旺角流行的街頭小食凍螺肉無異。當中攞得去燒的有(1)日本產信州和牛、(2)阿拉斯加長蟹腳、(3)鹽燒依達赤豚肉、(4)鵝肝鴨胸卷伴藍莓汁、(5)法式芥苿芓牛舌、(6)意大利香草雞腿肉ver.2.0(1)表面睇肉質彈性不錯，脂肪紋理分佈平均。到燒了後，雖然入口滑像要溶~ 溶係溶，但就係像肥肉脂肪那種溶！感覺又像hot pot 入口的肥牛，又像平日食肉時女生最怕而必會用筷子搣走的脂肪
<指定二人晚市套餐>
盛八特式野菜沙律• 盛八冷奴• 日本產信州和牛• 阿拉斯加長蟹腳• 鹽燒依達赤豚肉• 鵝肝鴨胸卷伴藍莓汁• 法式芥苿芓牛舌• 意大利香草雞腿肉ver.2.0 • 特上和牛炒飯• 意大利天然低脂雪糕
盛八特式野菜沙律：普通沙律一個。與我早陣子食的和井鐵板燒那碗感覺一樣~ 都係醋撈埋嗰啲咁啦！但又及不上和宴那個日本蕃茄沙律咁深刻…係我苛刻啫！
盛八冷奴：即凍豆腐。一張正常撲克牌size 一開六…撈白芝麻汁咁啦！醬汁像早幾年旺角流行的街頭小食凍螺肉無異。
當中攞得去燒的有(1)日本產信州和牛、(2)阿拉斯加長蟹腳、(3)鹽燒依達赤豚肉、(4)鵝肝鴨胸卷伴藍莓汁、(5)法式芥苿芓牛舌、(6)意大利香草雞腿肉ver.2.0
(1)表面睇肉質彈性不錯，脂肪紋理分佈平均。到燒了後，雖然入口滑像要溶~ 溶係溶，但就係像肥肉脂肪那種溶！感覺又像hot pot 入口的肥牛，又像平日食肉時女生最怕而必會用筷子搣走的脂肪團~ 但同時食咗我又唔覺食緊牛。(冇咩牛味但又感覺漏)
(2)不沾上汁都仍很鹹。係大隻多肉囉！
(3)感覺真的很豬！因為豬肉味強勁~ 感覺聯想成幫媽媽上豬肉檔買豬肉接近豬肉枱時的感覺XD
(4)對這個設計有點confusing！鵝肝的賣點不是甘香軟滑嗎？但又撈埋要燒得熟的肉類才落得肚…睇怕鴨胸未熟個鵝肝已變咗做膶了。因為本身個卷的中心就是用已微棕色、熟熟地的鵝肝…燒這個我真的有點束手無策~ 因為我很憎食膶耶！
(5)眾多材料中唯一值得我讚及豎大拇指的一種。燒到微hiu 再數7-8 聲就很正！有啅口…
(6)對雪藏雞腿簡直冇要求啦！冇雪味已很夠。都係啖啖肉咁囉！
至於和牛炒飯…普通炒飯咁囉！上次食和井鐵板燒那個一定足料、美味過佢~ 今次食了一羹就交給親愛的母親大人了。只有親人才會願意不問回報幫我執手尾…
嘻…gelato 可以啦！
食後感：食完俾母親大人"鵝"咁囉！佢覺得唔抵食…
咁事實我覺得一半半。因為表面睇個套餐寫就寫巿值$965 咁上下價錢，講到有hsbc 咭半價就似乎抵到爛咁！但食完你問我值半價嗎？sorry ~ 味道方面我唔多覺得。半價都五百幾喎！即使對修ba 修到我咁垃圾的人嚟講：那$965 都係商人把戲已矣！我拍賣場開價香港買唔到嘅嘢都會咁做…
講真~ 一來和宴的味道仍深刻烙印在我的記憶中。就算套餐內唔散叫的牛都仍很有牛味。而且當日和宴一隻蝦的水準頂到今日嗰四隻蟹弶！
客觀咁睇…雖然兩店都係套餐，但盛八的套餐份量係好足，而且由前菜到甜品全部都包齊。不過，包齊還包齊，但勝在水準平均呃得下人蠻可以充撐下場面。適合大伙兒聚會把酒~
但對於像我喜歡貴精不貴多的人嚟講~ 我情願不用抵食夾大件寧著重味道！
今次hsbc 套餐兩人食真係幾飽…於現場觀察，甚至有三人至四人一齊享用~ 但在座有男士的話，應該唔夠食。但另散叫搭夠亦不錯呢！
對盛八環境又愛又恨~ 環境昏暗適合拍拖撐枱腳似乎很溫馨！可惜同我食那個係母親大人。呵呵呵…恨就係只靠微弱的光線去燒肉真係好嘥眼力去辨別生熟。
職員態度唔錯~ 勤斟茶。一開始亦很樂意幫我倆攪拌套餐內的沙律…
但人有工作情緒係正常。普通食肆我已唔需要咩天方夜譚的誠懇，機械式招呼已習以為常。但…
唯獨是訂位時接線那位小姐有點心不在焉，見佢冇咩feedback 唔知佢有冇聽我講嘢甚至有冇抄錯嘢 =.="""
加埋一共$532
***味道4分係只給牛舌的。其餘味道我只給合格...
张贴
