金丼鐵板和風放題 (已結業)

剛去完廟街，book左檯食放題。裡面間隔唔係十分細，我地坐卡位都坐得幾鬆動，但就離裝野飲到有點距離，對懶行既我來講真係1步1艱辛架！我地睇佢俾我地個張傳單寫有城1百8十幾款野食選擇，我無數過阿，但見到野食紙真係幾多款下。主要刺身實要叫嘅！冰鎮既甜蝦，三文魚，鮑片，墨魚片，食入口新鮮，不過覺得甜蝦唔夠甜，係咪關季節事架？個和風燒薄餅本來望到佢賣相普通而且簡單就唔抱期望，點知原來全晚最驚喜係佢！！配料只係用左洋蔥芝士已經好鬼夠香！佢d皮仲要薄之餘又有少許煙"un"架喎天婦籮都值得試一下，點完天婦籮汁就無咁油膩啦！佢d粉唔厚先係重點。另仲有件鐵板香草羊架，肉質幾煙"un"，不過friend就話"un"過頭啦，雖然話就話各人口味不過都希望有待改進甜品有芒果布甸，泡芙，雪米滋，可惜無雪糕食，雪米滋d皮我一般般。