飲茶 (南豐大廈)

营业中

休息中

有個朋友去英國返嚟，心心念念地想食點心，小編當然帶佢去一間充滿着香港本土口味嘅小店。👍🏻雞絲涼皮份量唔算多，但係勝在都幾精緻，涼皮滑捋捋，有少少彈性，麻醬夠濃郁。👍🏻乳鴿乳鴿燒到皮脆肉嫩，雖然size就細細隻，但係兩個人食就剛剛好 餐廳更加會配上即棄手套同埋粗鹽俾你自行調味。👍🏻老乾媽蘿蔔糕一粒粒嘅蘿蔔糕炒得非常香口，加上芽菜同洋蔥帶少少爽口嘅感覺！👍🏻筍尖鮮蝦餃完全有一分錢一分貨嘅感覺，外皮晶瑩剔透，咬落煙靭，裏面嘅蝦肉餡料爽甜！👍🏻睇住流奶小編覺得係必點嘅款式，外型可愛，裏面嘅流心效果做得相當澎湃，而且蛋黃味出色帶有少少顆粒嘅感覺，記住趁熱品嚐！👍🏻鳳梨咕嚕肉 炸粉嘅處理拿捏得剛剛好，食落肉質都幾爽嫩，旁邊嘅菠蘿亦都經過火炙，食落幾鮮甜！💡每一款點心都無添加味精，而且係用上天然菜汁作為調色！