Running 燒 (已結業)

今晚去食久違既韓燒，呢間係有110分鐘既放題，差不多兩個鐘，時間無咁趕。餐廳佔地一層，大玻璃窗可以望到街景，未天黑已經差不多坐滿。有三款伴菜，泡菜、豆芽同海帶。蘿蔔就用黎清潔個爐。食物方面，主要分海鮮、肉類、蔬菜、飯麵同小食。海鮮有生蠔、大蝦、扇貝等，立即感覺回本。有各式氣水、茶、韓國飲品。辣味五花腩、豬大腸、牛肋骨、雞翼、雪花牛仔肉、烤肥牛。什菜沙律，配柚子醋，配燒肉無咁熱氣。生蠔、扇貝、帶子、魷魚、大蝦、多春魚，後面係冬菇、杏鮑菇同茄子，送餐速道算快。海鮮質量不錯，主打食海鮮。水冷麵，夠煙韌；阿珠媽靚湯，比較重胡椒味。另外，每人可以揀一款甜品。整體上菜快，無漏單，又有不少選擇，算抵食。