影片
更多
2010-10-24
83 浏览
19-10-2010朋友專程早點收工陪我到九龍灣一轉, 去到卻摸門釘 , 2 人喺呢頭只好食埋 dinner, 起碼未至於白行一趟. 德福及 MegaBox 的食肆吸引力一般, 兜兜轉轉結果嚟到呢幢商廈, 求其入了呢間港式日本餐廳.叫了一人前的蔥吞拿茸丼 set dinner, 有:-三點刺身蟹籽沙律牛肉蒟蒻麵 (正名不明)蔥吞拿茸丼腐皮湯烏冬什錦天婦羅另散叫了小食, 烏冬, 燒物及鍋物各一客 share 食, 整體印象雖然港式, 但其實都唔差的:-三色刺身係三文魚, 油甘魚及甜蝦, 前兩者 as expected 切得厚厚的... 無食三文魚, 甜蝦就爽身清甜, 油甘魚則爽口搭夠, 跟餐貨色算係咁了.蟹籽沙律的 mayonnaise 唔稀又唔會杰, 份量剛好,「掛」到勁幼細青瓜絲亦「掛」得均勻, 食落爽脆開胃, 味道亦穩穩陣陣, 收貨吧.牛肉蒟蒻麵的湯汁係 sukiyaki 味, 不過就更甜 牛肉肉味 ok, 不過幾柴皮; 蒟蒻麵就一夾即斷, 都食得幾吃力.蔥吞拿茸丼: 面頭吞拿茸份量幾澎湃 , 唔算肥但幾香, 不過我覺得蔥的份量追唔上吞拿茸, 同味付紫菜拌勻, 再落醬油及
19-10-2010
朋友專程早點收工陪我到九龍灣一轉, 去到卻摸門釘 , 2 人喺呢頭只好食埋 dinner, 起碼未至於白行一趟. 德福及 MegaBox 的食肆吸引力一般, 兜兜轉轉結果嚟到呢幢商廈, 求其入了呢間港式日本餐廳.
叫了一人前的蔥吞拿茸丼 set dinner, 有:-
三點刺身
蟹籽沙律
牛肉蒟蒻麵 (正名不明)
蔥吞拿茸丼
腐皮湯烏冬
什錦天婦羅
另散叫了小食, 烏冬, 燒物及鍋物各一客 share 食, 整體印象雖然港式, 但其實都唔差的:-
三色刺身係三文魚, 油甘魚及甜蝦, 前兩者 as expected 切得厚厚的... 無食三文魚, 甜蝦就爽身清甜, 油甘魚則爽口搭夠, 跟餐貨色算係咁了.
蟹籽沙律的 mayonnaise 唔稀又唔會杰, 份量剛好,「掛」到勁幼細青瓜絲亦「掛」得均勻, 食落爽脆開胃, 味道亦穩穩陣陣, 收貨吧.
牛肉蒟蒻麵的湯汁係 sukiyaki 味, 不過就更甜 牛肉肉味 ok, 不過幾柴皮; 蒟蒻麵就一夾即斷, 都食得幾吃力.
蔥吞拿茸丼: 面頭吞拿茸份量幾澎湃 , 唔算肥但幾香, 不過我覺得蔥的份量追唔上吞拿茸, 同味付紫菜拌勻, 再落醬油及 wasabi 同吃仍然唔太夠香, 可以更好的; 下面的飯粒粒「珍珠」, 食落黏韌, 整體印象唔差, 可以一試的.
腐皮湯烏冬: 湯底好鹹, 扁身的烏冬 (點解咁似 linguine 的? ) 滑身, 不過係腍 bad bad 的, 最後食剩了大半碗.
什錦天婦羅: 是日喉嚨唔掂, 只食了冬菇, 係炸得乾身唔油膩的, 粉漿亦薄, 無乜期望下都收貨了.
A la carte 的食物就有:-
自家製厚燒玉子: 係一客 4 件的薄切冰凍玉子, 係鬼「厚燒玉子」!? 咬落凍到牙肉都僵埋, 一味甜, 唔香, 質地就似放了入雪櫃一段時間的牛油蛋糕, 真係 thumbs down!
鹽燒牛舌: 燒得乾身爽口, 不過唔多夠「鹽」燒, 面頭的黑胡椒亦太少, 味道略嫌淡了 d 喎.
溫泉蛋稻庭烏冬: 稻庭烏冬咁粗0架咩? 不過烏冬質地幾煙韌, 食落冰冰涼涼, 麵汁 (係木魚汁?) 夠味又唔太鹹, 配上木魚 flakes 及蛋黃, 都幾難會難食, 最後亦順利清碟.
北海道牛奶廣島蠔鍋: 湯底飲落滑喉, 味道濃鮮又唔膩, 正 蔬菜以紹菜, 金菇及冬菇為主, 特別喜歡軟腍腍的紹菜, 索滿湯汁, 正 廣島蠔賣相算飽滿, 食落就係苦的 , 認真麻麻, 不過既然呢鍋嘢主角係湯底, 是但啦.
食到呢度已好飽, 但 waiter (經理?) 大叔一句「請你哋食雪糕吖, 要呍呢嗱定芝麻?」, 還是要了一 scoop 芝麻味, 由朋友包底 雪糕碗摸落勁冰凍, 雪糕望落密度亦高, 唔知好唔好食?
環境乾淨企理, 店員們亦有禮, 整體印象都唔差, 每人埋單約 $230 唔算十分貴, 作為港式日本料理, 一試無妨的.
不過再喺九龍灣食日本嘢, 我諗下次我會幫襯返魚一丁 (http://www.openrice.com/restaurant/commentdetail.htm?commentid=2032278) 了.
张贴
