鳴虎 (新城市廣場三期) (已結業)

今日同FD行沙田一田超市，原來裡面開咗好多間餐廳，行到肚餓餓，食碗拉麵先。可樂，我嘅最愛，食拉麵一定要配汽水。肉餃子，一份有5隻。餃子煎得好香口，皮脆啵啵得來，肉餡仲好juice。食落似白菜豬肉餡，點埋餃子醋一齊食，好鮮甜。芝麻雞翼，即叫即整，送上來仲熱笠笠。雞翼炸得啱啱好，食落唔會覺得肉柴。同埋雞翼預先醃制過，唔洗點醬已經好夠味。拉麵赤虎，拉麵配料好豐富，有溫泉蛋，日式叉燒，紫菜，日本蔥等。湯底係濃郁果款，食得出用足料黎煲制，湯底好鮮甜。同埋湯夠濃郁，拉麵掛滿湯汁，每一啖都好惹味。拉麵係硬身果款，食完一份好飽TIM。估唔到求其揾一間鋪頭，質素都唔錯，食完繼續行街先！